Басқарма басшысы

Уразбаева
Лаззат Аманжоловна
Ақтөбе облысының білім
басқармасының басшысы
Уразбаева Лаззат Аманжоловна 1971 жылы 15 қыркүйекте Ақтөбе облысы, Шалқар қаласында дүниеге келген. 1990 жылы Ақтөбе педагогика училищесін «Қызмет көрсету еңбегінің мұғалімі, аға пионер вожатый» мамандығы, 1997 жылы Қ.Жұбанов атындағы Ақтөбе педагогикалық институтын «Жалпы техникалық пәндер және физика пәні мұғалімі» мамандығы, 2016 жылы Қ.Жұбанов атындағы Ақтөбе мемлекеттік өңірлік университетін «Құқықтану» мамандығы бойынша бітірген. Педагогикалық ғылымдар магистрі.
Еңбек жолын 1990 жылы Шалқар ауданы, Тоғыз орта мектебінде «Еңбек және сызу» пәндерінің мұғалімдігінен бастап, өз ісінің шебері деңгейіне жетеді.
1997-2003 жылдары Ақтөбе қаласындағы №24 орта мектеп-гимназиясының сызу пәнінің мұғалімі және ОӨК-ның шебері болып еңбек етті. 2003 жылдан №40 негізгі мектеп, 2009 жылдан №40 орта мектеп директоры қызметтерінде болды. Осы жылдары Ақтөбе облыстық кадрлар біліктілігін арттыру және қайта даярлау институнда өз мамандығымен қатар мектепті басқару тақырыптарының тұрақты лекторы ретінде тәжірибе тарату, алмасу жұмыстарын атқарады.
2008 жылы «Облыстық  «Жыл директоры-2008» байқауының жеңімпазы атанды.
   2011 жылдың қаңтар айынан 2017 жылдың қаңтар айына дейін Ақтөбе қалалық білім бөлімінің басшысы қызметін атқарды. 2017 жылдың қаңтар – қараша айларында  Ақтөбе қаласы әкімінің орынбасары қызметінде болды. 2017 жылдың қарашасынан бастап осы күнге дейін Ақтөбе облысының білім басқармасының басшысы қызметін атқарып келеді.   
Жетістіктері:
- «Облыстық «Жыл директоры-2008» байқауының жеңімпазы.
- ҚР Білім және ғылым министрінің Құрмет грамотасы және Алғыс хаты
- Ақтөбе облысы әкімінің Алғыс хаты
- Ақтөбе облысының білім білім басқармасының Алғыс хаты
- Ақтөбе қаласы әкімінің Алғыс хаты;
- «Қазақстан Республикасының білім беру ісінің Құрметті қызметкері» төсбелгісі
- «Ы.Алтынсарин» төсбелгісі
- «Қазақстан Республикасының Конституциясына 20 жыл» мерекелік медалі;
- «Қазақстан Республикасының Тәуелсіздігінің 25 жыл» мерекелік медалі;
- «Қазақстан Республикасы мәслихатына 25 жыл» мерекелік медалі.
Добавлено: 
16.07.2012 - 05:00
Последние изменения: 
10.10.2018 - 05:00