Орта білім беру

Орта білім беру
Орта білім беруде жаңартылған оқу мазмұнына көшу жүзеге асырылуда. Жаңартылған білім беру мазмұны - білім сапасын арттыруға негізделген.
Облыста 144 679 (95,7%) оқушы жаңа білім беру мазмұнымен оқиды (2016 жылы - 7264 оқушы (12,4 %), 2017 жылы-57821 оқушы (42,9%), 2018 жылы-103 266 оқушы (72,5%) , 2019 жылы-144 464 оқушы (95,6%).
Білімде сапа болуы үшін жаңартылған білім мазмұнымен оқытылатын әр сыныпта осы мазмұнмен сабақ беру үшін арнайы дайындықтан өткен мұғалімдер жұмыс жасаулары керек.
12493 (82,7%) педагог жаңартылған оқыту бағдарламасы бойынша курстардан өтті. «Өрлеу» БАҰО» АҚ Ақтөбе облысы бойынша филиалы мен Педагогикалық шеберлік орталығында педагогтарды оқыту жұмыстары жалғасуда.
Облыста жаңартылған білім беру мазмұны жағдайында жаңаша басқарудың түрлі әдіс-тәсілдері зерделеніп, әр басшының басқару құзыреттілігін арттыруды көздейтін іс-шаралар кешені қалыптасқан.
Дарынды балалармен жұмыс
Жалпы облыста дарынды жастарды қолдаудың өзіндік механизмі қалыптасқан, дарындылармен жұмыс жақсы жолға қойылған.
Облыста 2 мектеп үш тілде білім береді, 233 пилотты мектепке ағылшын тілінде оқыту элементтері енгізілген, 7 гимназия, 15 мектеп-гимназия, 5 лицей жұмыс жасайды.
Облыс оқушылары жыл сайын республикалық, халықаралық дәрежеде жақсы жетістіктерге қол жеткізіп келеді. Пән олимпиадалары, ғылыми жарыстары, шығармашылық байқауларға қатысқан оқушылардың 50%-ы жеңімпаз атануда.
2019 жылы 163 оқушы халықаралық, республикалық олимпиадалар мен ғылыми жарыстарда 29 алтын, 28 күміс, 68 қола медаль иеленді.
Жаратылыстану-математика бағытындағы республикалық олимпиадаларда жыл сайын ақтөбелік оқушылар үздіктер қатарынан көрінеді.
Жаратылыстану-математикалық және гуманитарлық бағыттар бойынша республикалық олимпиадаларда облыс командасы «Ең үздік олимпиадалық команда-2019» атағын жеңіп алды.
Бұл ақтөбелік дарынды оқушылардың білім деңгейінің және ұстаздардың кәсіби біліктілігінің жоғарылығын, бұл бағытта жүргізілетін жұмыстардың жүйелілігін көрсетеді.
Добавлено: 
10.10.2018 - 05:00
Последние изменения: 
15.04.2020 - 05:00