Қорғаншылық, қамқоршылық және арнаулы білім беру бөлімі

Қорғаншылық, қамқоршылық және арнаулы білім беру бөлімі
1
Алдажаров
Кайрат Куандықович
бөлім басшысы
каб.546
56-04-76
2
Нургалиева Мира Жайсанбаевна
бас маман
каб.546
56-27-21
3
Сулейменов Талгат Райганиевич
бас маман
каб546
56-27-21
Қорғаншылық, қамқоршылық және арнаулы білім беру бөлімінің
Е Р Е Ж Е С І
1. Жалпы ережелер
1.1. Қорғаншылық, қамқоршылық және арнаулы білім беру бөлімі (әрі қарай - бөлім) «Ақтөбе облысының білім басқармасы» ММ-нің (әрі қарай - басқарма) құрылымдық бөлімшесі болып табылады және өз қызметін басқарма басшысының мектепке дейінгі және жалпы орта білім беру жөніндегі орынбасарының басшылығында атқарады.
1.2. Қорғаншылық, қамқоршылық және арнаулы білім беру бөлімі өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
1.3. Қорғаншылық, қамқоршылық және арнаулы білім беру бөлімінің штат санын Қазақстан Республикасының заңнамасында белгіленген тәртіппен басқарма басшысы бекітеді.
1.4. Қорғаншылық, қамқоршылық және арнаулы білім беру бөлімі 3 қызметкерден тұрады: бөлім басшысы және 2 бас маман.
2. Қорғаншылық, қамқоршылық және арнаулы білім беру бөлімнің негізгі міндеттері, функциялары мен құқықтары
2.1. Бөлімнің негізгі міндеттері:
2.1.1. Қазақстан Республикасының «Неке (ерлі-зайыптылық) және отбасы туралы» Кодексінің
- 117-бабының 6-тармағына сәйкес, жетім балаларды, ата-аналарының қамқорлығынсыз қалған балаларды Қазақстан Республикасының азаматтарына асырап алуға, қорғаншылыққа немесе қамқоршылыққа, баланы қабылдайтын отбасына, патронат тәрбиешілердің отбасына тәрбиелеуге беру мүмкін болмаған кезде өзіне бала туралы мәліметтер түскен күннен бастап екі ай мерзім өткен соң жетім балаларды, ата-аналарының қамқорлығынсыз қалған балаларды Республикалық деректер банкінің орталықтандырылған есебіне қоюды жүзеге асырады;
- 118-1-бабының 1-тармағына сәйкес, жетім балалардың, ата-аналарының қамқорлығынсыз қалған балалардың орналасқан жері бойынша аудандардың, облыстық маңызы бар қалалардың, облыстардың, республикалық маңызы бар қалалардың, астананың жергілікті атқарушы органдарының қорғаншылық немесе қамқоршылық жөніндегі функцияларды жүзеге асыратын органдары және Қазақстан Республикасының баланың құқықтарын қорғау саласындағы уәкілетті органы республикалық деректер банкін қалыптастырады;
- 118-2-бабының 3-тармағына сәйкес, жетім балаларды, ата-аналарының қамқорлығынсыз қалған балаларды өз отбасына тәрбиелеуге қабылдауға тілек білдірген адам жетім балалардың, ата-аналарының қамқорлығынсыз қалған балалардың орналасқан жері бойынша аудандардың, облыстық маңызы бар қалалардың, облыстардың, республикалық маңызы бар қалалардың, астананың жергілікті атқарушы органдарының қорғаншылық немесе қамқоршылық жөніндегі функцияларды жүзеге асыратын органдарына немесе кейіннен тіркеу үшін Республикалық деректер банкіне өзі туралы мәлімет береді.
2.1.2. Қазақстан Республикасының 2007 жылғы 27 шілдедегі № 319 «Білім туралы» Заңының 6-бабы 2-тармағының
- 3-тармақшасына сәйкес, балаларды арнайы оқу бағдарламалары бойынша оқытуды қамтамасыз етеді;
- 16-1-тармақшасына сәйкес, балалар мен жасөспірімдердің психикалық денсаулығын зерттеп-қарауды және психологиялық-медициналық-педагогикалық консультациялық көмек көрсетуді қамтамасыз етеді;
- 17-тармақшасына сәйкес, дамуында проблемалары бар балалар мен жасөспірімдерді оңалтуды және әлеуметтік бейімдеуді қамтамасыз етеді;
- 18-тармақшасына сәйкес, жетім балаларды, ата-анаcының қамқорлығынсыз қалған балаларды белгіленген тәртіппен мемлекеттік қамтамасыз етуді жүзеге асырады;
- 23-тармақшасына сәйкес, кәмелетке толмағандарды бейімдеу орталықтарының және өмірлік қиын жағдайда жүрген балаларды қолдау орталықтарының жұмыс істеуін қамтамасыз етеді;
- 24-тармақшасына сәйкес, кәмелетке толмағандарды бейімдеу орталықтарында және өмірлік қиын жағдайда жүрген балаларды қолдау орталықтарында ұсталатын адамдарға жағдай жасайды.
2.1.3. Қазақстан Республикасының 2002 жылғы 11 шілдедегі N343 «Кемтар балаларды әлеуметтiк және медициналық-педагогикалық түзеу арқылы қолдау туралы» Заңының 8-бабы 2-тармағының
- 5-тармақшасына сәйкес, кемтар балаларды арнаулы бiлiм беру ұйымдарында оқытуды ұйымдастырады және оларды басқа бiлiм беру ұйымдарында оқыту үшiн жағдай жасайды;
- 7-тармақшасына сәйкес, арнаулы бiлiм беру ұйымдары мен психикалық және (немесе) дене кемiстiктерiн анықтау, есепке алу мен түзеу салаларында жұмыс iстейтiн кадрларды қайта даярлауды, бiлiктiлiгiн арттыруды жоспарлайды және ұйымдастырады;
- 10-тармақшасына сәйкес, кемтар балаларды тәрбиелеп отырған отбасыларының құқықтарын қорғауды және оларға консультациялық көмек берудi қамтамасыз етедi.
2.1.4. «Ақтөбе облысының білім басқармасы» мемлекеттік мекемесі туралы ережесінің 16-тармағының 3,4-тармақшаларына сәйкес мүмкіндігі шектеулі тәрбиеленушілер, жетім балалар, ата-аналарының қамқорлығынсыз қалған балалар үшін негізгі жалпы білім беру бағдарламалары бойынша жалпыға бірдей қолжетімді мектепке дейінгі және ақысыз жалпы білім беруді ұйымдастырады және жетім балалар, ата-аналарының қамқорлығынсыз қалған балалардың конституциялыұ құқығы мен заңды мүдделерін, сонымен қатар оқушылар (тәрбиеленушілер) мен облыстық мемлекеттік білім беру мекемелерінің педагогикалық қызметкерлерінің құқықтары мен заңды мүдделерін қамтамасыз етеді.
2.1.5. Ақтөбе облысының білім басқармасы» мемлекеттік мекемесі туралы ережесінің 17-тармағының 3,14,15,32,34,35,41,43 тармақшаларын орындайды.
2.1.6. Бөлімге берілген құзірет шеңберінде Басқарма қызметін үйлестіру.
2.1.7. Бөлім өз қызметінде жетім, ата-анасының қамқорлығынсыз қалған және білім алуға ерекше қажеттіліктері бар балалардың құқықтары мен мүдделерін қорғау қызметтерін атқарады.
2.2. Бөлімнің негізгі функциялары:
2.2.1. Жетім және ата-анасының қамқорлығынсыз қалған, білім алуға ерекше қажеттіліктері бар балалардың құқықтарын қорғауға бағытталған Қазақстан Республикасының заңнамаларын орындау;
2.2.2. Бөлімнің атқаратын сұрақтары бойынша мемлекеттік көрсетілетін қызметтерді мониторингілеу;
2.2.3. Арнайы білім беру саласындағы мемлекеттік көрсетілетін қызметтердің есебін жинақтау;
2.2.4. Әлеуметтік жетімдіктің алдын алу сұрақтары бойынша басқа да мемлекеттік органдармен жұмыстарды үйлестіру;
2.2.5. Жетім және ата-анасының қамқорлығынсыз қалған балаларды орналастыруда қорғаншылық және қамқоршылық органдары қызметінің мониторингін жүргізу;
2.2.6. Ата-ана құқығынан айыру немесе ата-ана құқығынан шектеу сұрақтарының мониторингі;
2.2.7. Статистикалық есеп беру. Жетім және ата-анасының қамқорлығынсыз қалған балаларды орналастыру сұрақтары бойынша жинақ есептерін дайындау;
2.2.8. Жетім және ата-анасының қамқорлығынсыз қалған балаларды анықтау, алғашқы есепке қою сұрақтары бойынша жинақ есептерін жасау;
2.2.9. Жетім және ата-анасының қамқорлығынсыз қалған балалардың мәртебесін қайтара нақтытау, оларға алимент өндіріп алу, жұмысқа орналастыру, әлеуметтік жәрдемақымен және тұрғын үймен қамтамасыз етудің мониторингін жүргізу;
2.2.10. Ақтөбе облысында жәтім және ата-анасының қамқорлығынсыз қалған балаларды қолдау бойынша бағдарламаларды және жоспарларды жүзеге асыру;
2.2.11. Жетім, ата-анасының қамқорлығынсыз қалған және білім алуға ерекше қажеттіліктері бар балаларды қолдау мақсатында қайырымдылық акциялар, кампаниялар, т.б. ұйымдастыру;
2.2.12. Жетім, ата-анасының қамқорлығынсыз қалған және білім алуға ерекше қажеттіліктері бар балаларға қатысты Қазақстан Республикасында білімді және ғылымды дамытудың мемлекеттік бағдарламасын орындау;
2.2.13. Жетім және ата-анасының қамқорлығынсыз қалған балаларға және балаларды өз отбасыларында тәрбиелеуге тілек білдірген азаматтарға арналған Республикалық деректер банкін қалыптастыру, оған мониторинг жүргізу;
2.2.14. Асырап алушы ата-аналар мектебінің жұмысын ұйымдастыру;
2.2.15. Жетім және ата-анасының қамқорлығынсыз қалған балаларды аймақтық есепке қою, оларды орталықтандырылған есепке қою үшін құжаттарын дайындау;
2.2.16. Қазақстан Республикасы және шетел азаматтары балаларды асырап алуының және асырап алған балалардың жағдайы туралы асырап алғаннан кейінгі есептерінің түсуінің мониторингі;
2.2.17. Жетім және ата-анасының қамқорлығынсыз қалған балалардың білім алуы, мектептен тыс ұйымдармен қамтылуы, жазғы демалыс, білім саласындағы басқа да арнайы әлеуметтік қызметтердің берілуі бойынша құқықтарының қорғалу мониторингі;
2.2.18. Техникалық және кәсіптік білім беру ұйымдарындағы жетім және ата-анасының қамқорлығынсыз қалған балалар санатына жататын студенттердің әлеуметтік қорғалуының жұмыстарына мониторинг жүргізу;
2.2.19. Қорғаншылық, қамқоршылық және патронат тәрбиедегі балаларды күтіп-бағу үшін қамқоршылар, қорғаншылар мен патронат тәрбешілерге жәрдемақы төленуіне мониторинг жүргізу;
2.2.20. Мемлекеттік білім беру жинақтау жүйесі бойынша балалар үйлері тәрбиеленушілерінің білім беру жинақтау шоттарының мақсатты пайдаланылуының мониторингі;
2.2.21. Білім алуға ерекше қажеттіліктері бар балаларға арнайы білім беру және медициналық-педагогикалық қолдау жұмыстарын үйлестіру;
2.2.22. Инклюзивті білім беруді енгізу бойынша білім бөлімдерінің қызметін мониторингілеу;
2.2.23. Білім алуға ерекше қажеттіліктері бар балаларды инклюзивті білім берумен қамтылуына мониторинг жүргізу;
2.2.24. 3 Психологиялық-медициналық-педагогикалық консультациялар, 1 облыстық оңалту (арнайы) орталығының және 14 психологиялық-педагогикалық түзеу кабинеттерінің қызметін үйлестіру;
2.2.25. 4 Облыстық арнайы мектептерінің, 3 облыстық арнайы (түзетім) балабақшаларының және «Күншуақ» балалар сауықтыру лагерінің қызметін үйлестіру;
2.2.26. «Аяла» өмірлік қиын жағдайдағы балаларды қолдау орталығының, отбасы үлгісіндегі балалар үйлерінің және «Мейірім» жастарды әлеуметтік бейімдеу орталығының қызметін үйлестіру;
2.2.27. Инклюзивтік білім беруді дамыту бойынша жалпы білім беру мектептерінде ашылған ресурстық кабинеттердің қызметін мониторингілеу;
2.2.28. Білім алуға ерекше қажеттіліктері бар балаларға түзетім қолдауды көрсететін және/немесе жетім балалардың құқықтарын қорғайтын жеке және басқа ведомстволық бағыныстағы мекемелермен өзара байланысты орнату;
2.2.29. Білім алуға ерекше қажеттіліктері бар балалардың құқықтарының қорғалу мониторингі (білім алу, мектептен тыс ұйымдармен қамту, жазғы демалыс, білім саласындағы басқа да арнайы әлеуметтік қызметтің берілуі);
2.2.30. Білім алуға ерекше қажеттіліктері бар балалардың құқықтарын қорғау бойынша есептерді жасау, сараптау;
2.2.31. Жетім, ата-анасының қамқорлығынсыз қалған және білім алуға ерекше қажеттіліктері бар балалар арасындағы сайыстар, конкурстар, жарыстар, т.б. ұйымдастыру;
2.2.32. Жетім және ата-анасының қамқорлығынсыз қалған балалардың анықталуы, қозғалысы, бала асырап алу, өмірдің қиын жағдайындағы тап болған балалар, білім алуға ерекше қажеттіліктері бар балалар, арнайы түзетім ұйымдарының қызметтері бойынша және де басқа есептерін Ұлттық білім беру деректер қорына енгізу, мониторинг жүргізу;
2.2.33. Жетім және ата-анасының қамқорлығынсыз қалған балаларға арналған ұйымдарға жолдамалар беру;
2.2.34. Жетім және ата-анасының қамқорлығынсыз қалған балаларға арналған ұйымдарында құрылған қамқоршылық кеңестердің жұмысын мониторингілеу;
2.2.35. Жыл сайын Қазақстан Республикасы Президенті атынан өтетін жаңа жылдық шыршаға қатысатын жетім, ата-анасының қамқорлығынсыз қалған және білім алуға ерекше қажеттіліктері бар балалардың тізімін әзірлеу, қатысуын қамтамасыз ету;
2.2.36. Заңды және жеке тұлғалардың қамқоршылық, қорғаншылық және арнайы білім беру сұрақтары бойынша өтініштерімен, хаттарымен, арыз-шағымдарымен жұмыс жүргізу;
2.2.37. Жетім балалар, ата-анасының қамқорлығынсыз қалған және білім алуға ерекше қажеттіліктері бар балалардың құқықтарын қорғауды реттейтін нормативтік-құқықтық актілерді дайындау бойынша ұсыныстар енгізу;
2.2.38. Қазақстан Республикасы заңнамасымен белгіленген жетім және ата-анасының қамқорлығынсыз қалған балаларға арналған ұйымдар мен арнайы білім беру бағдарламаларын жүзеге асыратын мекемелерді құру, қайтадан ұйымдастыру және жою бойынша ұсыныстар енгізу, қаулы жобаларын әзірлеу;
2.2.39. Қамқоршылық, қорғаншылық және арнайы білім беру сұрақтары бойынша семинарлар, жиналыстар дайындау және өткізу;
2.2.40. Жетім, ата-анасының қамқорлығынсыз қалған, білім алуға ерекше қажеттіліктері бар балаларға арналған интернаттық ұйымдардың тәрбиеленушілеріне тұрмыстық жағдайларын жасалуына мониторинг жүргізу;
2.2.41. Өмірлік қиын жағдайдағы балаларды қолдау орталығының қызмет етуін және орталықтағы балаларға жағдай жасалуын қамтамасыз етілуіне мониторинг жүргізу;
2.2.42. Жетім, ата-анасының қамқорлығынсыз қалған, білім алуға ерекше қажеттіліктері бар балаларға қатысты мәселелері бойынша зерделеу жұмыстарын жүргізу;
2.2.43. Арнайы білім беру ұйымдары және балалар үйлерінің педагогикалық қызметкерлерінің біліктілігін арттыру мақсатында курстарға жіберу.
2.3. Бөлімнің негізгі құқықтары:
2.3.1. Белгіленген тәртіппен арыз-шағымды қарау үшін қажетті ақпаратты сұратуға және алуға;
2.3.2. Бөлімнің құзырына қатысты мәселелерді шешу бойынша басқарма басшысына қарауға ұсыныстар енгізу;
2.3.3. Бөлімнің қызметіне қатысты шешімдерді қабылдау үдерісіне және нормативтік-құқықтық актілерді әзірлеу жұмысына қатысу;
2.3.4. Қазақстан Республикасының заңнамасында қарастырылған өзге де іс-қимылдарды және әрекеттерді жасауға құқылы.
3. Бөлім қызметін ұйымдастырудың негізгі сұрақтары
3.1. Бөлімнің қызметін Еңбек Кодексіне және Қазақстан Республикасының «Мемлекеттік қызмет туралы» Заңына сәйкес басқарма басшысымен тағайындалып, босатылатын бөлім басшысы басқарады.
3.2. Бөлім басшысына бөлімге жүктелген міндеттемелерді сапалы және уақытылы орындалуы үшін жауапкершілік жүктеледі.
3.3. Бөлім басшысы Бөлім қызметіне жалпы басшылықты жүзеге асырады және Бөлімге жүктелген міндеттердің орындалуы мен оның өз функцияларын жүзеге асыруы үшін жеке жауапты.
3.4. Бөлім басшысы басқарманың басшылығына Бөлімнің құрылымы мен штат кестесі бойынша ұсыныстар жасайды.
Осы мақсаттарда Бөлім басшысы:
1) Бөлім қызметкерлерін лауазымға тағайындау және одан босату, көтермелеу мен тәртіптік жаза қолдану туралы ұсыныстар енгізеді;
2) өз өкілеттіктері шеңберінде қызметтік құжаттарға қол қояды;
3) Бөлімде іс жүргізуді ұйымдастырады;
4) Бөлім басшысы жүктеген өзге де функцияларды жүзеге асырады.
3.5. Бөлім құзыретіне кіретін мәселелер бойынша Бөлім атынан басқа бөлімделерге жіберілетін құжаттарға Бөлім басшысы, ал ол болмаған жағдайда оның міндетін атқаратын тұлға қол қояды.
Добавлено: 
09.10.2018 - 05:00
Последние изменения: 
19.02.2019 - 05:00