cыбайлас жемқорлыққа қарсы іс-қимыл мәселелері

10.10.2018ж.
Ақтөбе облысының білім беру саласындағы сыбайлас жемқорлыққа
қарсы атқарылып жатқан шаралар туралы
Қоғамның барлық саласындағы сыбайлас жемқорлық көріністерін төмендету бойынша оқыту және тәрбиелеу бүгінгі таңда өзекті мәселеге айналды.
Оның ішінде педагог қызметкерлердің алдында үлкен мақсат-міндеттер қойылған.
«Білім туралы», «Сыбайлас жемқорлыққа қарсы іс-қимыл туралы» Қазақстан Республикасы Заңдарын орындау мақсатында әзірленген Педагогикалық әдеп қағидаларында педагог қызметкер өз қызметінде білім алушылар мен тәрбиеленушілерге ата-аналарынан бастап өзін қоршаған барша әлемге құрметпен қарауға барынша мүмкіндік жасайды, Қазақстан Республикасы педагог қызметкерінің жоғары атағының беделін түсіруге жол бермейді, өзінің адал және әділ мінез-құлқымен үлгі болады делінген.
Сол себепті де білім саласындағы сыбайлас жемқорлық көріністердің алдын алуға, оны болдырмауға, педагог қызметкердің мәртебесін түсірмеуге бағытталған шаралар жоспарлы, жүйелі түрде жүзеге асырылуда.
Білім беру саласында сыбайлас жемқорлыққа қарсы іс-қимыл профилактика мен сыбайлас жемқорлыққа қарсы тәрбие және білім беруді ұтымды үйлестіруге негізделеді.
Сыбайлас жемқорлық тәуекелдерін болдыр­мау мақсатында:
- педагог қызметкерлерді аттестау;
- мемлекеттік білім беру тап­сырысын орналастыру;
- білім беру саласында көрсетілетін мемлекеттік қызметтер;
- қамқоршылық кеңестер инсти­тутының қызметін ұйымдастыру бойынша жұмыстар атқарылуда.
Білім саласындағы сыбайлас жемқорлық көріністердің алдын алуға бағытталған іс-шаралар жоспары жыл сайын бекітіледі.
Сонымен қатар «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес, басқармаға қарасты барлық білім беру ұйымдарының сыбайлас жемқорлыққа қарсы іс-қимыл бойынша атқарылған жұмыстарының қорытынды есебі, жүргізген сыбайлас жемқорлық тәуекелдерінің ішкі талдауы, нәтижелері және оларды жою бойынша қабылданған шаралар туралы ақпараттары қаралып, тиісті талдау жасалынып отырады.
Білім беру ұйымдары мен қызметкерлерінің қатысуымен өткізілетін әр жиналыс, алқалық жиындарда «Сыбайлас жемқорлыққа қарсы іс-қимыл туралы» Заңды, еңбек тәртібінің сақталуын қамтамасыз ету жөнінде үнемі ескертілуде.
Жаңа оқу жылының басталуына орай облыстың барлық білім беру ұйымдары басшыларымен жиналыстар ұйымдастырылып, сыбайлас жемқорлық фактілерін болдырмау және оның алдын алуды көздейтін іс-шаралар жоспарларын бекітіп, жұмыстар атқару тапсырылды.
Басқармада және облыстың барлық білім беру ұйымдарында «Сенім телефондары», «Сенім жәшіктері» жұмыс жасайды. Мекеменің ресми интернет-ресурсында жеке және заңды тұлғалардың өтініштерін қарау, мемлекеттік қызметке орналасу туралы конкурс өткізу, заңдар, нормативтік құжаттарды қамтитын бөлімдер ашылған.
Басқарма басшысының атына келіп түскен өтініштерге мерзімінде жауап беру, өтініштерде көтерілген мәселелер бойынша нақты шаралар қабылдап, заңға сәйкес шешім шығару бақылауға алынған.
Сыбайлас жемқорлыққа қарсы білім беру – өскелең ұрпақ тәрбиесімен байланысты болғандықтан, бұл өте маңызды бағыт.
Барлық білім беру деңгейлерінің оқу бағдарламаларына сыбайлас жемқорлыққа қарсы оқыту мәселелері енгізілген.
Бұл - мектепте сыбай­лас жемқорлыққа қарсы мәдениет қалыптастыру бағдарламасы болып табылады. Осы бағдарламаны жүзеге асыру­да 386 мектепте «Адал ұрпақ» клубтары құрылды. Жалпы 35 000 оқушы қамтылып, олар 446 шараға қатысты.
Тәрбиелеудің осындай нысанын енгізу оқушыларға адалдық және әділдік қағидаларын бойларына сіңіруге мүмкіндік береді.
Жаңа оқу жылының басында 25 техникалық және кәсіптік білім беру ұйымдарында 5165 студенттің қатысуымен жемқорлыққа қарсы Бірыңғай сағат ұйымдастырылды. Ал қараша айында «Адал ұрпақ» еріктілер клубының облыстық слеті жоспарлануда.
Білім басқармасының ведомстволық бағыныстағы ұйымдарымен мемлекеттік көрсететін қызметтер саны – 22 (білім басқармасымен-2; аудандық және қалалық білім бөлімдерімен, білім беру ұйымдарымен- 20).
Ағымдағы жылы 8350, оның ішінде қағаз түрінде 6006 (72%), «электрондық үкімет» веб-порталы арқылы 2156 (26%), мемлекеттік корпорациямен 188 (2,2%) мемлекеттік қызмет көрсетілді.
Аталған мемлекеттік қызметтер көрсету сапасын бақылау бойынша іс-шаралар жоспары бекітілді.
Шалқар, Қарғалы аудандарының психологиялық-педагогикалық түзеу кабинеттері, Ойыл аграрлық, Алға индустриялық-техникалық Шалқар аграрлық-техникалық, колледждерінде мемлекеттік қызметтерді көрсету жұмыстарына зерделеу жүргізілді.
Мемлекеттік қызмет көрсету үдерісі мейлінше оңтайландырудан өтуде.
Құжаттардың мерзімі мен тізбесін қысқартып, қайталанатын рәсімдерді жою мақсатында бірқатар шара іске асырылды. Соның ішінде мектепке дейінгі балалар ұйымдарында кезектілікті қалыптастыру, оның қызметі және жолдамаларды беру процесін автоматтандыру өз тиімділігін дәлелдеді.
2018 жылы облыстағы 178 (51,1%) балабақшаға кезекке тұру мен жолдама беру электронды форматқа ауыстырылды.
Қазіргі таңда Қобда селосында, Алға, Хромтау, Қандыағаш, Ембі, Жем, Темір қалаларында автоматтандырылған жүйе 100% енгізілді. Ақтөбе қаласы, Шалқар, Әйтеке би, Байғанин, Қарғалы аудандарында электронды форматқа көшу жұмыстары жыл соңына дейін толық аяқталады.
Жүйенің мүмкіндіктері:
• Балабақша жолдамаларын үйден шықпай-ақ алуға болады;
• Баланың электрондық паспорты: барлық жетістіктері портфолиоға енгізіліп, білім алуын зерделеуге мүмкіндік туады;
• Мектепке дейінгі бағдарлама негізінде балаларды тәрбиелеу және оқытуды жүзеге асыру, білім беру процесін оңтайландыру, дамыту бойынша ұсыныстар енгізуге болады;
• Мектепке дейінгі мекемелерге мониторинг жүргізіп отыру мүмкіндігі бар.
Облыста техникалық және кәсіптік білім берудегі оқу үрдісін автоматтандыру мақсатында "Платонус" Электрондық колледж" ақпараттық жүйесін енгізу жұмыстары басталды. Бұл жүйе Білім және ғылым министрлігінің ұсынысы бойынша таңдалды. Республика бойынша жоғары оқу орындарында енгізілген.
Сонымен қатар «PLATONUS» автоматтандырылған ақпараттық жүйесі колледждерде оқу процесін тиімді және оңтайлы ұйымдастыруға мүмкіндік береді. Қазіргі таңда аталған жүйе Ақтөбе гуманитарлық колледжінде пилоттық режимде енгізіліп, колледждің барлық құрылымдық бөлімшелер ақпараттарын жинау, сақтау, өңдеу, контингент өзгерісіне байланысты үрдісті автоматтандыру (оқудан шығару, оқуға қабылдау, курстан курсқа өткізу), студенттер контингенті мен қызметкерлердің мониторингі (үлгерім, сапа пайызы, қатысым, т.б.) автоматтандырылды. Сонымен қатар жыл аяғына дейін облыстың 26 колледжіне автоматтандырылған жүйені енгізу жоспарланып отыр.
«Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан, білім беру ұйымдарына құжаттар қабылдау және оқуға қабылдау" мемлекеттік көрсетілетін қызмет стандартына сәйкес 1-класқа қабылдау қызметті берушінің кеңсесі немесе www.egov.kz "электрондық үкімет" веб-порталы арқылы жүзеге асырылды.
2018-2019 оқу жылынан бастап Қазақстан Республикасы Білім және ғылым министрлігінің талаптарына сәйкес білім беру ұйымдары мен ата-аналар арасында әр тараптың құқығы мен міндеттемелері көрсетілген келісімшарт жасалатын болады.
«Аз қамтылған отбасылардағы балалардың қала сыртындағы және мектеп жанындағы лагерьлерде демалуы үшін құжаттар қабылдау және жолдама беру» мемлекеттік көрсетілетін қызмет стандарты аясында басқарма тарапынан электронды кесте жасалды.
Кестеде барлық жазғы және жыл бойы ұйымдастырылған оқу-сауықтыру орталықтарына, лагерьлерде бөлінген квотаға сәйкес демалған балалардың тізімі электронды кестеге енгізіледі. Егер де білім бөлімі бір балаға екінші рет сұраныс берсе, ол тізімде көрсетіліп, екінші мәрте демалуға жіберілмей, өзге баламен ауыстырылады.
Техникалық және кәсіптік білім беру ұйымдарына мемлекеттік тапсырыс орналастыру бойынша жаңа оқу жылына жергілікті бюджет есебінен – 3981, республикалық бюджеттен - 1085 орынға студенттерді қабылдау жоспарланды. Бүгінгі күнге жергілікті бюджет есебінен – 3886, республикалық бюджет есебінен – 1085 студент қабылданып отыр.
2018-2019 оқу жылына техникалық және кәсіптік мемлекеттік білім беру тапсырысы бойынша талапкерлерді қабылдау процесінің ашықтығы мен әділеттілігін қамтамасыз ету, сыбайлас жемқорлық фактілерін болдырмау және алдын алу мақсатында Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті жанында құрылған арнайы мониторингтік топ өкілдері қабылдау комиссияларының құрамына енгізілді.
«Азаматтарға арналған үкімет» мемлекеттік корпорациясының Ақтөбе облысы бойынша филиалы Ақтөбе қаласында орналасқан колледждердің қызметкерлері мен студенттеріне «Электрондық үкімет» веб-порталы арқылы «Үшінші тұлғамен анықтамалар алу сервисі» қолдану бойынша түсіндіру жұмыстарын жүргізді. Аталған тұлғалар «Электрондық үкімет» веб-порталының бірыңғай базасына ұялы телефон номерлерін тіркеп, қазіргі таңда сервис қызметін пайдалануда.
Сонымен қатар мектеп директорларын тағайындау қағидалары өзгерді.
Жаңа қағидаларға сәйкес кандидат 4 этаптан тұратын конкурстан өтеді: мектептің қамқоршылық кеңесі, заңнама тесті, облыстық білім басқармасының келісуі, аудандық, қалалық білім бөлімдеріндегі сұхбат. Мектеп директоры тек 4 жылға тағайындалады. Әрі қарай жұмыс істеймін десе, конкурстан қайта өту мүмкіндігі бар. Міне, осы төрт ерекшелік директорлық корпустың сапасын көтеріп қана қоймай, сыбайлас жемқорлықтың да алдын алуға айтарлықтай ықпал етеді.
Педагогтарды аттестаттаудың жаңа жүйесі енгізілді.
Мемлекет басшысы мұғалімдер үшін біліктілік деңгейін ескеретін категориялардың жаңа кестесін енгізу, категорияларды ұлттық біліктілік тест арқылы беру сияқты бірқатар міндеттерді орындау керектігін атап өткен болатын. Осы орайда, Қазақстан Республикасы Білім және ғылым министрлігінің Ұлттық тестілеу орталығы педагог қызметкерлерді аттестаттау үшін тест тапсырмаларының базасын қалыптастырып, жаңа форматтағы Ұлттық біліктілік тестілеу өткізіледі. Жаңа үлгідегі аттестаттау бойынша 2411 (96,6%) педагог біліктілік санатын алды. Қыркүйек айынан бастап 2411 пән мұғалімдерінің еңбекақыларына қосымша үстемақы төленетін болады. Жаңа үлгідегі аттестаттау тәртібі де сыбайлас жемқорлық тәуекелдерін азайтуды мақсат тұтады.
Сөзімді қорытындылай келе, білім беру саласының әрбір қызметкері сыбайлас жемқорлық көріністерінің болдырмауын көкейінде ұстауы және олардың алдын алу мақсатында барынша атсалысуы қажет екендігін айтқым келеді.
Сеніп тапсырылған мекемедегі сыбайлас жемқорлыққа қарсы саясатты жүзеге асыру үшін мемлекеттік мекемелердің бірінші басшыларының жеке жауапкершілігін арттыру, сондай-ақ азаматтардың мемлекеттік қызметтерді алу деңгейін арттыру білім басқармасының тұрақты назарында.
Сыбайлас жемқорлыққа қарсы тәртібінің стандарты
25.12.2017ж.
Сыбайлас жемқорлыққа төзбеушілік бейнематериалдарды
«Ақтөбе облысында сыбайлас жемқорлыққа қарсы іс-қимыл жөніндегі 2015-2017 жылдарға арналған іс-шаралар жоспарының» орындалуы туралы ақпарат
«Ақтөбе облысының білім басқармасы» ММ Ақтөбе облысы әкімдігінің 2015 жылғы 23 маусымдағы № 222 қаулысымен бекітілген «Ақтөбе облысында сыбайлас жемқорлыққа қарсы іс-қимыл жөніндегі 2015-2017 жылдарға арналған іс-шаралар жоспарының» орындалуы бойынша төмендегідей ақпарат береді.
Ақтөбе облысының білім басқармасы жоғарыда бекітілген жоспарға сәйкес білім саласы бойынша іс-шаралар жоспарын бекітіп, аталған жоспар бойынша сыбайлас жемқорлықтың алдын алу негізінде жұмыстар атқаруда. Атап айтқанда,
- Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі іс-шаралар жоспарын орындау мақсатында 2015-2017 жылдарға арналған жоспары;
- мемлекеттік көрсетілетін қызметтер және сыбайлас жемқорлыққа қарсы іс-қимыл жұмыстарын жандандыру, салалық бағдарламаларды жүзеге асыруда халықтың құқықтық сауаттылығын арттыруға бағытталған 2017 жылға арналған іс-шаралар жоспары;
Сонымен қатар, бағынысты білім беру ұйымдарымен 2017-2018 жылдарға арналған сыбайлас жемқорлыққа қарсы мәдениетті қалыптастыру бойынша бірлескен іс-шаралар жоспарын Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігімен бірлесе отыра атқарылатын жоспары.
Білім басқармасының жанында сыбайлас жемқорлыққа қарсы жұмыстарды ұйымдастырып, жүргізу жөніндегі кеңес құрылды;
Кеңес жұмысының негізгі мақсаты:
а) білім беру ұйымдарында сыбайлас жемқорлықтың алдын алу;
ә) білім беру ұйымдарында көрсетілетін мемлекеттік қызмет сапасын көтеру;
б) педагогтар мен ата-аналар арасында сыбайлас жемқорлыққа қарсы мәдениет деңгейін қалыптастыру;
в) білім алушылар мен оқушылар тұлғасын бала кезінен жемқорлықты қабылдамау рухында тәрбиелеу.
Бұл кеңес мүшелері сыбайлас жемқорлыққа қарсы атқарылып жатқан шараларға белсенді түрде қатысып отырады.
Тұрақты түрде іс-шаралар жоспарлары Білім басқармасымен бағынысты білім беру ұйымдарына жолданып, білім беру ұйымдарында сыбайлас жемқорлықты алдын алу бойынша іс-шаралардың өткізілуі зерделеніп отырады және атқарылған шаралар төмендегідей болып келеді:
2016-2017 оқу жылында бағынысты білім беру ұйымдарында жалпы 40-тан астам шара ұйымдастырылып, барлығы 624 педагог қамтылды. Оның ішінде:
- 2017 жылдың мамыр айында №10 орта мектеп базасында және Ақтөбе қаласының әкімдігінде білім бөліміне қарасты барлық мекеме басшыларына «Ұлттық бюроның сыбайлас жемқорлық фактілері» бойынша фильм көрсету арқылы форум өткізілді.
- 2017 жылдың 13 маусымында облыс әкімінің төрағалығымен өткен аппараттық кеңестің №15 хаттамасының 5.2-тармағын орындау мақсатында білім беру саласында жемқорлықтың алдын алу мәселелері бойынша аудандарды қамтыған отырыстар өткізілді.
(Алға ауданында 16 маусымда, Әйтекек би ауданында 20 маусымда, Ырғыз ауданында 29 маусымда, Темір ауданында 5-6 маусымда, Мұғалжар ауданында 16 маусымда, Шалқар ауданында 10 шілдеде)
- 2017 жылдың 5 шілдесінде білім басқармасының ұйымдастыруымен кәсіптік және техникалық білім беру ұйымдарының басшыларына Ақтөбе көлік, коммуникация және жаңа технология колледжі базасында аталған мәселелер бойынша жиналыс өткізілді.
- 2016-2017 оқу жылында бекітілген кестеге сәйкес Ақтөбе политехникалық колледжінде 1-2 курс, барлығы 744 оқушыларын қамтыған Зауыт полиция бөлімінің аға лейтенанты М.Алданазаров, полиция полковнигі Н.Бекмуратов, колледж заңгері Е.Сарсенов, «Беркут» патриоттық клубы» ҚБ негізін қалаушы С.Сагиев, қауіпсіздік қызметінің басшысы Р.Құдайбергенов, колледж директорының орынбасары, Еңбек қайраткері С.Қайдосов «Жемқорлықпен күрес» және жалпы жастар тәртібі жайында дәрістер оқыды.
- 2017 жылдың басынан бастап Ойыл аграрлық колледжінде студенттер арасында «Жемқорлықсыз қоғамды қалай бастаймыз?» дебаттық турнирі, «Сыбайлас жемқорлыққа қарсымыз!» тәрбие сағаттары, «Сыбайлас жемқорлықты алдын алу. Жастар көзімен» атты дөңгелек үстел ұйымдастырылды.
- Ақтөбе өнеркәсіптік технологиялар және басқару колледжінде «Сыбайлас жемқорлыққа жол жоқ!» тақырыбында сауалнама жүргізіліп, талдау жұмыстары жасалынды.
- Ақтөбе байланыс және электротехника колледжінде «Жемқорлықсыз сессия» атты қабырға газеттері шығарылып, «Ақтөбе-Дарын» өңірлік ғылыми-тәжірибелік орталығының және Ақтөбе облыстық ғылыми-тәжірибелік орталығының ұйымдастыруымен өткен «Сыбайлас жемқорлық – қоғам дерті», «Жемқорлыққа жол жоқ!» атты шығарма байқауларында колледж студенттері жүлделі орындарға ие болды.
- А.Жұбанов атындағы Ақтөбе музыкалық колледжінің студенттері жемқорлыққа жататын фактілер, оған апаратын, мәжбүрлейтін іс-қимылдар туралы оның жауапкершілігі туралы «Сыбайлас жемқорлыққа жол жоқ!» тақырыбымен қойылым ұйымдастырды.
- Ақтөбе көлік, коммуникация және жаңа технология колледжінде сыбайлас жемқорлыққа қарсы мәдениетті қалыптастыруға бағытталған «Адал Ұрпақ» ерікті клубы құрылып, дебаттық турнир, диспуттар, әлеуметтік сауалнамалар, байқаулар ұйымдастырылды. 1-2 курс студенттері арасында «Жастар жемқорлыққа қарсы!» атты сурет байқауы өткізілді.
- Ембі қызмет көрсету саласы колледжінің ұйымдастыруымен «Жемқорлыққа жол жоқ» тақырыбында колледж студенттері мен оқытушыларына Мұғалжар аудандық №2 сотының судьясы баяндама оқып, түсіндіру жұмыстарын жүргізді.
- Ақтөбе облыстық арнайы (түзетім) есту қабілеті бұзылған балалар мектеп-интернат-колледжінде мектеп мұғалімдеріне арнап дефектологтар Г.Жанжигитова, Э.Қоблаш «Біз және қоғам» атты ток шоу ұйымдастырды. Бұл шараның мақсаты сыбайлас жемқорлықтың белгілерін анықтау, қазіргі қоғам дерті жемқорлықтан қызметкерлердің бойларын аулақ ұстау. Сонымен қатар мекеме қызметкерлеріне тарих пәні мұғалімдері Г.Шотанова, Т.Аребаев «Сыбайлас жемқорлыққа қарсы күрес туралы» заңының баптарымен таныстырып өтті. Сәуір айында тәлімгер Мажикова К 8-10 класс аралығында және колледж студенттеріне «Жемқорлық» -менің көзіммен айдарымен сурет байқауын ұйымдастырды, бұл сайыс жеңімпаздары облыс көлемінде өтіп отырған «Біз жастар, жемқорлыққа қарсымыз!» байқауына қатыстырылды.
2017-2018 оқу жылының қыркүйек айының 20-сында мектеп қызметкерлеріне «Сыбайлас жемқорлық белгілері» атты ақпараттандыру шараларын мектеп директорының шаруашылық жөніндегі орынбасары Л.Бұхатаев, Г.Идирисова сыбайлас жемқорлыққа жетелейтін жолдар туралы бейнебаян көрсетіп, ескертпе жадынама таратты. Қазан айында Қ.Жұбанов атындағы Ақтөбе өңірлік университеттің дефектология факультетінің студенттерімен колледж студенттерінің ұйымдастыруымен «Жемқорлыққа жол жоқ!» атты қойылым кешін өткізді.
2017 жылдың 13 сәуірінде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаментімен келісілген жалпы және орта, техникалық және кәсіптік білім беру ұйымдарында «Рухани-адамгершілік және азаматтық-патриоттық тәрбиелеу контекстінде сыбайлас жемқорлыққа қарсы мәдениетті қалыптастыру бағдарламасы» бекітілді.
Бұл бағдарлама негізінде мектептер мен колледждерде «Адал Ұрпақ» ерікті клубтар құрылды. Клубтардың негізгі міндеттері: сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы көзқарасты нығайту бойынша бастамаларды көтермелеу, арнайы іс-шараларды ұйымдастыру болып табылады. Сондай-ақ, бағдарламаның негізінде сыбайлас жемқорлыққа қарсы мәдениетті қалыптастыру бойынша модельдік тәрбие жұмысының жоспары бекітіліп, жаңа оқу жылында көптеген іс-шаралардың ұйымдастырылуы күтілуде.
БАҚ-да (бұқаралық ақпарат құралдарында) сыбайлас жемқорлыққа қарсы бағытта тұрақты түрде мақалалар бағынысты білім беу ұйымдарымен «Ақтөбе ұстазы», «Ақтөбе» газеттерінде жарияланып отырады. Мақалалар:
1) Ақтөбе байланыс және электротехника колледжінің оқытушысы А.Тұрғамбаева «Жемқорлыққа қарсы күрес», «Ақтөбе ұстазы» газеті;
2) Ақтөбе көлік, коммуникация және жаңа технология колледжінің оқытушысының Бондаренко Н.Ю. «Антикоррупционное воспитание в образовании» мақаласы
3) Ақтөбе гуманитарлық колледжі оқытушысының «Сыбайлас жемқорлық қоғам дерті» сыбайлас жемқорлық көріністерін ескерту мәселесі бойынша мақаласы, «Ақтөбе ұстазы» газеті және т.б.
Бағынысты білім беру ұйымдарында «Сенім телефоны» мен «Сенім жәшіктері», «Парасатты азамат» ақпараттық бұрыштары жұмыс жасайды.
ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Ақтөбе облысы бойынша департаменті мен «Ақтөбе-Дарын» өңірлік ғылыми-тәжірибелік қосымша білім беру орталығының ұйымдастыруымен Қазақстан Республикасы Президентінің 2014 жылғы 26 желтоқсандағы № 986 Жарлығымен бекітілген «2015-2025 жылдарға арналған сыбайлас жемқорлыққа қарсы стратегиясы» аясында және аталған екі мекеменің жалпы білім беретін мектеп оқушылары, техникалық және орта кәсіптік білім беру ұйымдарының білім алушылары және педагогтар арасында сыбайлас жемқорлыққа қарсы мәдениетті қалыптастыру мақсатындағы 2017-2018 оқу жылына арналған іс-шаралар жоспарына сәйкес 2017 жылдың 20-қазанында Ақтөбе облыстық мамандандырылған физика-математикалық мектеп-интернатттың негізінде жалпы білім беретін және мамандандырылған білім беру ұйымдарының 9-11 сынып оқушылары арасында «Жемқорлықсыз өмір» атты облыстық үздік бейне роликтер байқауы өткізілді.
Мектеп оқушыларының сыбайлас жемқорлыққа қарсы көзқарасын қалыптастыру, оқушылардың құқықтық мәдениет деңгейін жоғарылату және оқушылардың Отанына деген сүйіспеншілігін, қоғамдағы жауапкершілігін арттыру мақсатындағы байқауға қатысу үшін облыс бойынша 50 жұмыс ұсынылды.
Байқау қорытындысы бойынша І, ІІ, ІІІ дәрежелі дипломдарына 16 жеңімпаз ие болып, 8 оқушы мақтау қағазымен марапатталды, барлық қатысушыларға сертификаттар беріледі.
2017 жылғы 3 қарашада сыбайлас жемқорлыққа қарсы мәдениетті қалыптастыру мақсатында мамандандырылған білім ұйымдарының педагогтері үшін облыстық "Жемқорлықсыз коғамға жол бастаймыз!" тақырыбында үздік эссе байқауы өтті. Байқауға барлығы 23 педагог қатысып, 9-ы жүлдегер атанды.
Ақтөбе-Дарын өңірлік ғылыми-тәжірибелік қосымша білім беру орталығы 2017 жылғы 20 сәуірде техникалық және кәсіптік білім беру ұйымдарының білім алушылары арасында «Сыбайлас жемқорлық – қоғам дерті» тақырыбында шығарма байқауын өткізді.
Шығарма байқауы 2 тілде (қазақ, орыс тілдерінде) өтті.
Облыстық «Сыбайлас жемқорлық – қоғам дерті» тақырыбындағы шығарма байқауына 16 жұмыс ұсынылды. 7 оқушы жүлделі орынмен, 4 оқушы мақтау қағазымен марапатталды.
«Ақтөбе-Дарын» өңірлік ғылыми-тәжірибелік қосымша білім беру орталығының 2017 жылғы 11 мамырдағы №133 бұйрығы негізінде а.ж. 19 мамырында 9-10 класс оқушылары арасында онлайн режимінде «Жемқорлықсыз болашақ» атты облыстық олимпиадасы өткізілді.
Олимпиаданың мақсаты - сыбайлас жемқорлықтың кез келген көріністеріне төзбеушілік жағдайын жасау және оқушылар арасында сыбайлас жемқорлыққа қарсы мәдениетті қалыптастыру;
Аталған шараға аудан, қала мектептерінен және облыстық білім ұйымдарынан барлығы - 201 оқушығы сұраныс берілді. Қатысқандар саны - 180 оқушы. Оның ішінде әр ауданнан - 10, қала мектептерінен - 33 және облыстық білім ұйымдарынан - 30 оқушы қатысып, 83 оқушы жүлдегер атанды.
Олимпиадаға Қ.Жұбанов атындағы Ақтөбе өңірлік мемлекеттік университетінің мұғалімдері және облысымыздың тәжірибелі мұғалімдері қазылық етті.
Қазақстан Республикасы Конституциясы мен «Сыбайлас жемқорлықпен күрес туралы», «Жеке және заңды тұлғалардың жүгіністерін қарау тәртібі туралы» Заңдарына және мемлекеттік қызметшілердің Ар-намыс кодексінің орындалуына бағытталған іс-шараларды жүзеге асыру барысындағы бірлескен жұмыстар күн тәртібінен түспейтін өзекті мәселелердің бірі болып қала береді.
2016-2017 жылдары басқарма және басқармаға бағынысты білім беру ұйымдарында сыбайлас жемқорлыққа жол берген, тәртіптік жауапкершілікке тартылған тұлғалар тіркелмеген.
Білім беру саласында сыбайлас жемқорлықтың алдын алуға бағытталған жұмыстар алдағы уақытта да үздіксіз жалғаса береді.
Облыстық «Адал және сатылмайтын еңбек бейнесі» тақырыбындағы
сурет байқауының қорытындысы туралы ақпарат
«Ақтөбе – Дарын» өңірлік ғылыми тәжірибелік қосымша білім беру орталығы сыбайлас жемқорлыққа қарсы шаралардың жоспарына сәйкес 2017 жылғы 28 сәуірде «Адал және сатылмайтын еңбек бейнесі» тақырыбында бейнелеу өнері пәні мұғалімдері арасында облыстық карикатуралық сурет байқауын өткізді.
Сурет байқауына Қ.Жұбанов атындағы Ақтөбе өңірлік мемлекеттік университетінің «Бейнелеу өнері мен кәсіптік білім беру» кафедрасының оқытушылары, қалалық көркем – сурет лицейінен жоғары білікті мамандар шақырылды.
Облыстық карикатуралық сурет байқауына барлығы 12 жұмыс (аудандардан–10, облыстық білім беру ұйымдарынан – 2) ұсынылды.
Қазылар алқасының шешімі негізінде сурет байқауы бойынша 3 жұмыс жүлделі орынға, 2 жұмыс мақтау қағазымен марапатталуға ұсынылды.
Сурет байқауының жеңімпаздарының тізімі:
Қатысушының аты-жөні
Аудан
Мектебі
Жүлделі орны
1
Аяпова Гүлбақыт Қуанышқызы
Шалқар ауданы
І.Үргенішбаев атындағы орта мектебі
І орын
2
Туребеков Ерлангали Турегалиевич
Әйтеке би ауданы
Қарабұтақ орта мектебі
ІІ орын
3
Бекенова Алима Есентаевна
Алға ауданы
№3 Алға қазақ орта мектебі
ІІІ орын
4
Жұмахметов Д.Б
Әйтеке би ауданы
Т.Жүргенов атындағы орта мектебі
Мақтау қағазы
5
Оразымбетов Нулан Бошанович
Хромтау ауданы
Бөгетсай мектеп- гимназиясы
Мақтау қағазы
Сыбайлас жемқорлыққа қарсы күрес бойынша қысқаша ақпарат
Салалық бағдарлама
Сыбайлас жемқорлыққа қарсы күрес бойынша ФОРУМ
"Адал ұрпақ" клубын құру бойынша ақпарат
Сыбайлас жемқорлыққа қарсы тәртібінің стандарты
СЫБАЙЛАС ЖЕМҚОРЛЫҚҚА ҚАРСЫ БАҒЫТТА ҰЙЫМДАСТЫРЫЛҒАН ШАРАЛАР
БОЙЫНША ҚЫСҚАША АҚПАРАТ