cыбайлас жемқорлық деген не, онымен күрес қағидалары

Қазақстан Республикасының 2015 – 2025 жылдарға арналған сыбайлас жемқорлыққа қарсы стратегиясына орай, сыбайлас жемқорлықпен күресу әрбір мемлекеттік ұйымдар басшыларының, ел азаматтарының жауапты міндеті.
«Ақтөбе облысының білім басқармасы» ММ-нің сыбайлАс жемқорлыққа қарсы іс-қимылдағы негізгі қызметі - білім беру ұйымдарының оқушылары, студенттерге, білім беретін ұстаздарға қоғамдағы адал еңбек, заң үстемдігі мен сыбайлас жемқорлықтың кез келген көріністеріне төзбеушілікті насихаттау, облыс педагогтерінің құқықтық сауаттылығын арттыру болып келеді.
Осы мақсатта білім беру ұйымдары Қазақстан Республикасы Мемлекеттік қызмет істері министрлігінің Ақтөбе облысы бойынша департаментімен бірлесе отырып көптеген іс шаралар, дөңгелек үстелдер, семинарлар өткізуде.
2018 жылғы І жартыжылдықта бағынысты білім беру ұйымдарында жалпы 40-тан астам шара ұйымдастырылып, барлығы 624 педагог қамтылды. Оның ішінде:
Мектептер мен колледждерде «Адал Ұрпақ» ерікті клубтар құрылды. Клубтардың негізгі міндеттері: сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы көзқарасты нығайту бойынша бастамаларды көтермелеу, арнайы іс-шараларды ұйымдастыру болып табылады. Сондай-ақ, бағдарламаның негізінде сыбайлас жемқорлыққа қарсы мәдениетті қалыптастыру бойынша модельдік тәрбие жұмысының жоспары бекітіліп, жаңа оқу жылында көптеген іс-шаралардың ұйымдастырылуы күтілуде.
БАҚ-да (бұқаралық ақпарат құралдарында) сыбайлас жемқорлыққа қарсы бағытта тұрақты түрде мақалалар бағынысты білім беу ұйымдарымен «Ақтөбе ұстазы», «Ақтөбе» газеттерінде жарияланып отырады. Мақалалар:
1) Ақтөбе байланыс және электротехника колледжінің оқытушысы А.Тұрғамбаева «Жемқорлыққа қарсы күрес», «Ақтөбе ұстазы» газеті;
2) Ақтөбе көлік, коммуникация және жаңа технология колледжінің оқытушысының Бондаренко Н.Ю. «Антикоррупционное воспитание в образовании» мақаласы
3) Ақтөбе гуманитарлық колледжі оқытушысының «Сыбайлас жемқорлық қоғам дерті» сыбайлас жемқорлық көріністерін ескерту мәселесі бойынша мақаласы, «Ақтөбе ұстазы» газеті және т.б.
Бағынысты білім беру ұйымдарында «Сенім телефоны» мен «Сенім жәшіктері», «Парасатты азамат» ақпараттық бұрыштары жұмыс жасайды.
Сыбайлас - жемқорлық біздің қоғамдағы көкейтесті және еліміздің экономикасының дамуына қатер төндіретін өзекті мәселелердің бірі болып табылады. Елімізде сыбайлас - жемқорлықтың алдын алу мақсатында көптеген іс-шаралар жүзеге асырылуда. Солардың бірі 2018 жылғы 23 сәуірде Ақтөбе облысының білім басқармасы, "Ақтөбе-Дарын" өңірлік ғылыми тәжірибелік қосымша білім беру орталығының ұйымдастыруымен өткен "Жемқорлықсыз болашақ" атты облыстық қашықтық олимпиадасы.
Олимпиада 9-11 класс оқушыларына "Адам. Қоғам. Құқық", "Дүниежүзі тарихы" және "Қазақстан Тарихы" пәндерінен өтті.
Шараның мақсаты- дарынды оқушыларды қоғамдық-гуманитарлық ғылымдар саласында қолдау, сондай-ақ оқушылардың сыбайлас жемқорлықтың әр түрлі нысандары туралы көзқарасын, жемқорлыққа байланысты жағдаяттар туралы кешенді білімі мен құқықтық және моральдық - этикалық талапқа сай өзін ұстауын қалыптастыру. Олимпиадаға барлығы - 206 оқушы қатысып, 80 - і жүлдегер атанды (қала мектептерінен - 40, М.Құсайынов атындағы АОДБАММИ - 5, Қарғалы - 2, Қобда - 2, Мәртөк - 6, Мұғалжар - 3, Ойыл - 4, Темір - 5, Хромтау - 8, Шалқар - 5 оқушы).
2018 жылғы 19 сәуірде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті мен Ақтөбе облыстық ғылыми-тәжірибелік орталығының бірлескен жоспар аясында, сыбайлас жемқорлыққа қарсы күрес бағдарламасын жүзеге асыру мақсатында облыстық техникалық және кәсіптік білім беру ұйымдарының оқытушыларына арналған Ақтөбе облыстық ғылыми-тәжірибелік орталығында «Мен және менің құқығым» тақырыбындағы семинар-тренинг өтті. Семинар тренингке 16 оқытушы қатысты.
Бұл шарада «Дебат технологиясы – заман талабы» Тобылбаев Е.Т. – Ақтөбе дебат қозғалысының директоры мен «Талабы мол Линкольн-Дуглас форматы» Ахабаева А. - Қ.Жұбанов атындағы Ақтөбе өңірлік мемлекеттік университеті филология факультетінің 1 курс студенті дебат барысын теориялық тұрғыда түсіндірді.
Ал практикалық бөлімін көрсету мақсатында «Қазастандағы басты проблеманы көрсету» Ахабаева А., Кенетаев А. – «Шабыт» фракциясы мен Тұрсынғалиева Э., Ғазизова А. – «38 мақтаныштары» фракциясы болып көрініс ретінде көрсетті, сонымен бірге Қ.Жұбанов атындағы Ақтөбе өңірлік мемлекеттік университетінің студенттері Ахабаева А. мен Тұрсынғалиева Э. «Адам бақытты болу үшін бай болу керек деп есептейді» деген тақырыпта өз ойларын айтып тақырыпты аша түсті.
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті мен Ақтөбе облыстық ғылыми-тәжірибелік орталығының бірлескен жоспар аясында, сыбайлас жемқорлыққа қарсы күрес бағдарламасын жүзеге асыру мақсатында облыстық техникалық және кәсіптік білім беретін ұйымдардың студенттері арасында «Жастар сыбайлас жемқорлыққа қарсы» тақырыбына би түріндегі флешмоб акциясы 2018 жылғы 27 наурыз – 12 сәуір аралығында кесте бойынша ұйымдастырылды.
Аталған шараға Ақтөбе қаласындағы 25 колледжден 820 студент қатысты.
Оқушылардың қазақстандық патриотизм және сыбайлас жемқорлықты қабылдамау рухында тәрбиелеу, сыбайлас жемқорлықтың кез келген көрінісіне төзбеушілік ахуалын қалыптастыру мақсатында 2018 жылдың 25 қаңтары мен 12 ақпан аралығында жалпы білім беретін мектептер мен мамандандырылған білім беру ұйымдарының 8-11 класс оқушылары арасында әлеуметтік инстаграм желісі арқылы облыстық «Адалдыққа бір қадам» атты сырттай суреттер байқауы өткізілді. Байқауға қатысқан оқушылар салған суреттері арқылы қоғамдағы жемқорлық індетінің қаншалықты зиян әрі қауіпті екендігін көрсете отырып, адамзатты адалдыққа, жемқорлықсыз болашаққа шақырды. Байқауға қатысуда облыс бойынша барлық аудандардың оқушылары белсенділік танытты, «Ақтөбе-Дарын» өңірлік ғылыми-тәжірибелік қосымша білім беру орталығының инстаграм парақшасы арқылы дауыс жинауға 210 сурет жүктелді.
Жалпы білім беретін мектептердің 8-11 класс оқушылары арасында сыбайлас жемқорлыққа қарсы мәдениетті қалыптастыру мақсатында 2018 жылғы 2 сәуірде облыстық «Сыбайлас жемқорлық- қоғам дерті» тақырыбында шығарма байқауы өткізілді.
Өткізілген байқауға аудан, қала мектептерінен оқушылар белсене қатысты. Байқауға барлығы 31 оқушының жұмысы ұсынылды.
Оқушылар жемқорлыққа қарсы күресте барлық адамдар заң мен сот алдында тең. Жеке және заңды тұлғалардың бұзылған құқықтары мен заңды мүдделерін қалпына келтіру, сыбайлас жемқорлық пен құқық бұзушылықтың зиянды зардаптарын жою, олардың алдын-алу және барлық мемлекеттік органдар мен лауазымды адамдар өз құзіреті шегінде күрес жүргізу, яғни жемқорлықпен күресу - жалпыға ортақ міндет екенін өз эссе жұмыстарында айта кеткен. Байқау нәтежиесінде Ойыл және Шалкар ауданының оқушыларының жұмыстары жоғары бағаланды.
Білім беру саласында сыбайлас жемқорлықтың алдын алуға бағытталған жұмыстар алдағы уақытта да үздіксіз жалғаса береді
сыбайлас жемқорлыққа төзбеушілік бейнематериалдарды