Сыбайлас жемқорлықпен күрес қағидалары

Ақтөбе облысының білім саласы бойынша сыбайлас жемқорлыққа
қарсы атқарылған шаралар туралы қысқаша ақпарат
(1-тоқсан 2020 жыл)
Ақтөбе облысының білім басқармасы сыбайлас жемқорлықтың алдын алу, «Ақтөбе-адалдық алаңы» жобасымен бірлескен шараларды ұйымдастыру бойынша атқарылған жұмыстар бойынша төмендегідей ақпаратты жолдайды.
Облыстық білім басқармасында, сонымен қатар бағынысты білім беру ұйымдарында сыбайлас жемқорлық тәуекелдерін жою бойынша жоспар құрылып, аталған жоспарға сәйкес жұмыс мүмкіндігіне қарай атқарылды. Сонымен қатар жалпы құрылған жоспарға сәйкес сыбайлас жемқорлыққа қарсы іс-қимыл бойынша шаралар ұйымдастырылды.Атап айтар болсақ 2020 жылдың 3 наурызында Ойыл ауданының педагогикалық-психологиялық көмек көрсету орталығында сыбайлас жемқорлыққа қарсы күрес бойынша қызметкерлер арасында дөңгелек үстел ұйымдастырылды.
Ақтөбе автожол колледжінде жемқорлық тақырыбына сәйкес бұрыштар, кітап көрмелері ұйымдастырылды. №205 топта «Скажем коррупции твердое нет!», 204 «Коррупцию не допустим!» топтарында ашық тәрбие сағаттары өткізілді. Онда студенттер жемқорлық туралы ұғымды түсіндіру, заң үзінділерімен танысу, жағдаяттар шешу тапсырмаларын орындады. Қоршаған ортада салауатты, таза және сау ортаны, тыныс- тіршілігі қуатты ұрпақ тәрбиелеу барысында №201, 209 топтарында «Сыбайлас жемқорлыққа жол жоқ!», №203 «Сыбайлас жемқорлық- қоғам дерті!», «Жемқорлыққа жол жоқ!», №102 «Молодежь против коррупции!», №106 «Коррупции- нет!» тақырыптарымен тәрбие сағаттары болып өтті. Онда адамдардың көбі пара беру мен сыбайластықтың зияны туралы сөз қозғап, одан арылу немесе соған бармау жолдары бойынша кеңестер берілді.
Ақтөбе техника-технологиялық колледжінде ағымдағы жылдың 20 қаңтарында қызметкерлер арасында сыбайлас жемқорлыққа қарсы күрес бойынша жалпы жиналыс өткізілді. Жиналыс барысында сыбайлас жемқорлыққа қарсы атқарылған шаралар және алдағы уақытта орындалатын жоспар таныстырылып, талқыланды.
Байғанин техникалық колледжінде «Адалдық сағаты» өтті.Бұл шараға аудандық мәслихат депутаты және аудандық ішкі істер бөлімінің кәмелетке толмағандардың істері жөніндегі полиция инспекторы қатысып, сыбайлас жемқорлыққа қарсы ойларымен бөлісті.Осы тұрғыдағы шаралар бағынысты білім беру ұйымдарының барлығында өткізіліп отырады.
Ақтөбе қаласының білім беру ұйымдары бойынша да сыбайлас жемқорлыққа қарсы күрес бойынша бірқатар жұмыстар атқарылды. Атап айтар болсақ №73 орта мектебінде оқушылар арасында құрылған жас ұрпақты имандылық пен тарасаттылыққа тәрбиелейтін «Парасат »атты адалдық клубы жұмыс жасап келеді. Ай сайын жоспарға сай 7-8-9-10 кластарда «Адалдық –ардың ісі», «Сыбайлас жемқорлыққа жол жоқ!» тақырыптарында класс сағаттары мен дөңгелек үстелдер болып өтті. Ата-аналар комитеттері мен қамқоршылық кеңес мүшелері қатыстырылды. Кітапханада бұрыш ұйымдастырылды.
№28 орта мектебінде «Адалдық-адамдық қасиет», «Адалдық-асыл касиет», «О честности и правдивости», «Что значит быть честным» класс сағаттары өткізілді.
Сазды орта мектебінің ұжымына мектеп әкімшілігі тарапынан қыркүйек айының 17 – ші жұлдызында «Сыбайлас жемқорлыққа қарсы күрес», «Заңсыз ақша жинамау» мәселелері төңірегінде түсіндіру жұмыстары жүргізілді. Осы мәселе төңірегінде бұйрық шығарылып, таныстырылды. Әрі қарай Сазды орта мектебінде «Сыбайлас жемқорлықтың алдын алу және болдырмау» тақырыбында сынып сағаттары өткізіліп, сурет көрмесі ұйымдастырылды. Арнайы жадынамалар шығарылып мектеп ішіне ілінді. Түрлі дөңгелек үстелдер өткізілді.
25 орта мектебінде 2020 жылдың 14 наурызында мұғалімдердің өндірістік кеңесінде сыбайлас жемқорлықтың алдын алу бойынша мәселе талқыланды. «Парасатты азамат» бұрышы жаңартылды. Атап айтқанда «Адал ұрпақ» клубының тізімі ілініп, сонымен қатар сыбайлас жемқорлықтың алдын алу парақшалар орналастырылған.
Ағымдағы жылдың 17 қаңтарында «Адалдық сағаты» атты тақырыпта дөңгелек үстел ұйымдастырылды. 2020 жылдың 27 ақпанында қалалық жас шығармашылық орталығының базасында ұйымдастырылған сыбайлас жемқорлыққа қарсы күрес бойынша «С юмором о серъезном» атты шағын театралды қойылым байқауында мектептің 9 «в» класс оқушылары «Лучший сценарий» номинациясын жеңіп алды.
Ғ.Ақтаев атындағы 6 орта мектебінде ағымдағы жылдың 17 қаңтарында оқушылардың сыбайлас жемқорлыққа қарсы көзқарасын қалыптастыру мақсатында жалпыреспубликалық «Адалдық сағаты» акциясы аясында «Жемқорлық-індет, жою-міндет» тақырыбында 9 класс оқушылары, ұстаздар және мектеп инспекторы Н.Ш.Сутеевтың қатысуымен ауқымды іс-шара өтті.
Әйтеке би ауданы бойынша мектеп басшыларының 80 пайызы «Адалдық алаңы» жобасы аясында 1 қабатқа көшірілді.Білім беру мекемелерінің ғимаратының кіреберісінде жеке және заңды тұлғалардың шағымдары мен ұсыныстары үшін жәшіктер орналасқан, білім бөлімінің басшысымен өткізілген азаматтарды қабылдау кестесі ілінген,оқушыларға сенім телефондарына кез-келген керек уақытта хабарласа алуына жағдай жасалған. Әлеуметтік желіде білім бөлімінің «Сенім Әйтекеби» жеке парақшасы бар. «Жеке және заңды тұлғалардың өтініштерін қарау тәртібі туралы» Қазақстан Республикасының өзгертілген Заңының мәтіндері орналасқан. Сондай – ақ мемлекеттік қызмет көрсетулер туралы көрнекі ақпараттардың өтініштерін толтыру үлгілері стендттері ілінген.
Өскелең ұрпақтың бойында адалдық, парасаттылық, отансүйгіштік құндылықтарын қалыптастыру мақсатында Агенттіктің тікелей бастамасымен барлық білім беру ошақтарында жұмыс жасап жатқан «Адал ұрпақ» пен «Саналы ұрпақ» клубтарының орны ерекше.
«Адалдық сағаттарына» лекторретінде Сыбайлас жемқорлыққа қарсы іс-қимыл ұлттық бюросы облыстық департаментінің басшысы, орынбасарлары, бөлім басшылары, облыс, қала, аудан әкімдері, әкім орынбасарлары, мектеп директорлары, қамқоршылық кеңес төрағалары, «Нұр Отан» партиясының филиалы өкілдері, білім бөлімдері басшылары, халық арасында абырой, құрметке ие белсенді азаматтары қатысты.
Бүгінгі күні дүние жүзі мемлекеттеріндегі сыбайлас жемқорлықты қабылдау индексін қалыптастырушы және бағалаушы Transparency International (Транспэренси Интернейшнел) ұйымының тәжірибесі негізінде облысымыздың 28 орта арнаулы оқу орындарының қабырғасында «Парасаттылық мектебі» кабинеттері ашылып, жұмыстар жүргізілуде. Қазіргі таңда колледждер арасында Парасаттылық кабинеттерінде жоспарға сәйкес 70-ке жуық түсіндірме жұмыстары жүргізіліп, іс-шаралар ұйымдастырылды.
Аталған жұмыстың басты мақсаты – қоғамда сыбайлас жемқорлыққа қарсы мәдениетті қалыптастыру, азаматтардың құқықтық сауаттылығын арттыру және «парасаттылық» пен «адалдық» сынды қасиеттерді жастар бойына сіңіру болып табылады.
Білім алушылар арасында сыбайлас жемқорлыққа қарсы мәдениетті қалыптастыру мақсатында ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Ақтөбе облысы бойынша департаменті, облыстық білім басқармасы және Ақтөбе қаласы мен аудан әкімдіктері арасында үш жақты Меморандум жасалынған болатын.
«Саналы ұрпақ» жобасы аясында білім беру ұйымдарында бірқатар жұмыстар атқарылуда. Атап айтқанда, 35 колледжде «Адалдық дүкені» жұмыс жасайды, барлық колледждерде «Адалдық сағаттары» тақырыбында сабақтар тұрақты ұйымдастырылып, Ақтөбе қаласының 5 техникалық және кәсіптік білім беру ұйымында студенттерге қызмет көрсету орталықтары жұмыс жасайды.
Сонымен қатар «Адалдық жобасы» аясында білім беру ұйымдарының басшыларының кабинеттері 1-қабатқа көшірілуі бойынша жұмыстар қарқынды жүргізілді. Техникалық және кәсіптік білім беру ұйымдарының басшыларының да кабинеттерін ауыстыру бойынша жұмыстар мүмкіндіктеріне қарай жүргізілді.
Сыбайлас жемқорлыққа қарсы күрес, іс-қимыл шараларыбарлық білім беру ұйымдарында қарқынды түрде жүзеге асырылады. Соңғы уақытта әлемді жаулаған індет атқарылатын шараларға да біраз теріс ықпалын тигізуде. Дегенмен әлем боп күресіп жатқан індет көзі жойылған соң ағымдағы жылдың 2-тоқсанында жұмыс қарқынды түрде жүргізілетін болады деген сенімдеміз.
09.12.2019ж.
Ақтөбе облысының білім басқармасының бөлімінің
сыбайлас жемқорлық тәуекелдерін ішкі талдау нәтижелері бойынша
ТАЛДАМАЛЫҚ АНЫҚТАМА
09.01.2019ж.
«Ақтөбе облысының білім басқармасы» ММ Қазақстан Республикасы Мемлекеттік қызмет істері министрінің 2015 жылғы 29 желтоқсандағы № 16 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығын жүзеге асыру мақсатында сыбайлас жемқорлық тәуекелдеріне
ішкі талдау жүргізу бойынша аналитикалық
АНЫҚТАМА
30.11.2018г.
План мероприятий управления образования Актюбинской области на 2018-2020 годы по реализации Антикоррупционной стратегии Республики Казахстан на 2015-2025 годы и противодействию теневой экономике по Актюбинской области
Ақтөбе облысы білім басқармасының қоғамдық қатынастар
оқшауланған саласындағы жұмысының қызметінің сыбайлас жемқорлыққа
қарсы мінез-құлық Стандарты
10.10.2018ж.
Ақтөбе облысының білім беру саласындағы сыбайлас жемқорлыққа
қарсы атқарылып жатқан шаралар туралы
Қоғамның барлық саласындағы сыбайлас жемқорлық көріністерін төмендету бойынша оқыту және тәрбиелеу бүгінгі таңда өзекті мәселеге айналды.
Оның ішінде педагог қызметкерлердің алдында үлкен мақсат-міндеттер қойылған.
«Білім туралы», «Сыбайлас жемқорлыққа қарсы іс-қимыл туралы» Қазақстан Республикасы Заңдарын орындау мақсатында әзірленген Педагогикалық әдеп қағидаларында педагог қызметкер өз қызметінде білім алушылар мен тәрбиеленушілерге ата-аналарынан бастап өзін қоршаған барша әлемге құрметпен қарауға барынша мүмкіндік жасайды, Қазақстан Республикасы педагог қызметкерінің жоғары атағының беделін түсіруге жол бермейді, өзінің адал және әділ мінез-құлқымен үлгі болады делінген.
Сол себепті де білім саласындағы сыбайлас жемқорлық көріністердің алдын алуға, оны болдырмауға, педагог қызметкердің мәртебесін түсірмеуге бағытталған шаралар жоспарлы, жүйелі түрде жүзеге асырылуда.
Білім беру саласында сыбайлас жемқорлыққа қарсы іс-қимыл профилактика мен сыбайлас жемқорлыққа қарсы тәрбие және білім беруді ұтымды үйлестіруге негізделеді.
Сыбайлас жемқорлық тәуекелдерін болдыр­мау мақсатында:
- педагог қызметкерлерді аттестау;
- мемлекеттік білім беру тап­сырысын орналастыру;
- білім беру саласында көрсетілетін мемлекеттік қызметтер;
- қамқоршылық кеңестер инсти­тутының қызметін ұйымдастыру бойынша жұмыстар атқарылуда.
Білім саласындағы сыбайлас жемқорлық көріністердің алдын алуға бағытталған іс-шаралар жоспары жыл сайын бекітіледі.
Сонымен қатар «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес, басқармаға қарасты барлық білім беру ұйымдарының сыбайлас жемқорлыққа қарсы іс-қимыл бойынша атқарылған жұмыстарының қорытынды есебі, жүргізген сыбайлас жемқорлық тәуекелдерінің ішкі талдауы, нәтижелері және оларды жою бойынша қабылданған шаралар туралы ақпараттары қаралып, тиісті талдау жасалынып отырады.
Білім беру ұйымдары мен қызметкерлерінің қатысуымен өткізілетін әр жиналыс, алқалық жиындарда «Сыбайлас жемқорлыққа қарсы іс-қимыл туралы» Заңды, еңбек тәртібінің сақталуын қамтамасыз ету жөнінде үнемі ескертілуде.
Жаңа оқу жылының басталуына орай облыстың барлық білім беру ұйымдары басшыларымен жиналыстар ұйымдастырылып, сыбайлас жемқорлық фактілерін болдырмау және оның алдын алуды көздейтін іс-шаралар жоспарларын бекітіп, жұмыстар атқару тапсырылды.
Басқармада және облыстың барлық білім беру ұйымдарында «Сенім телефондары», «Сенім жәшіктері» жұмыс жасайды. Мекеменің ресми интернет-ресурсында жеке және заңды тұлғалардың өтініштерін қарау, мемлекеттік қызметке орналасу туралы конкурс өткізу, заңдар, нормативтік құжаттарды қамтитын бөлімдер ашылған.
Басқарма басшысының атына келіп түскен өтініштерге мерзімінде жауап беру, өтініштерде көтерілген мәселелер бойынша нақты шаралар қабылдап, заңға сәйкес шешім шығару бақылауға алынған.
Сыбайлас жемқорлыққа қарсы білім беру – өскелең ұрпақ тәрбиесімен байланысты болғандықтан, бұл өте маңызды бағыт.
Барлық білім беру деңгейлерінің оқу бағдарламаларына сыбайлас жемқорлыққа қарсы оқыту мәселелері енгізілген.
Бұл - мектепте сыбай­лас жемқорлыққа қарсы мәдениет қалыптастыру бағдарламасы болып табылады. Осы бағдарламаны жүзеге асыру­да 386 мектепте «Адал ұрпақ» клубтары құрылды. Жалпы 35 000 оқушы қамтылып, олар 446 шараға қатысты.
Тәрбиелеудің осындай нысанын енгізу оқушыларға адалдық және әділдік қағидаларын бойларына сіңіруге мүмкіндік береді.
Жаңа оқу жылының басында 25 техникалық және кәсіптік білім беру ұйымдарында 5165 студенттің қатысуымен жемқорлыққа қарсы Бірыңғай сағат ұйымдастырылды. Ал қараша айында «Адал ұрпақ» еріктілер клубының облыстық слеті жоспарлануда.
Білім басқармасының ведомстволық бағыныстағы ұйымдарымен мемлекеттік көрсететін қызметтер саны – 22 (білім басқармасымен-2; аудандық және қалалық білім бөлімдерімен, білім беру ұйымдарымен- 20).
Ағымдағы жылы 8350, оның ішінде қағаз түрінде 6006 (72%), «электрондық үкімет» веб-порталы арқылы 2156 (26%), мемлекеттік корпорациямен 188 (2,2%) мемлекеттік қызмет көрсетілді.
Аталған мемлекеттік қызметтер көрсету сапасын бақылау бойынша іс-шаралар жоспары бекітілді.
Шалқар, Қарғалы аудандарының психологиялық-педагогикалық түзеу кабинеттері, Ойыл аграрлық, Алға индустриялық-техникалық Шалқар аграрлық-техникалық, колледждерінде мемлекеттік қызметтерді көрсету жұмыстарына зерделеу жүргізілді.
Мемлекеттік қызмет көрсету үдерісі мейлінше оңтайландырудан өтуде.
Құжаттардың мерзімі мен тізбесін қысқартып, қайталанатын рәсімдерді жою мақсатында бірқатар шара іске асырылды. Соның ішінде мектепке дейінгі балалар ұйымдарында кезектілікті қалыптастыру, оның қызметі және жолдамаларды беру процесін автоматтандыру өз тиімділігін дәлелдеді.
2018 жылы облыстағы 178 (51,1%) балабақшаға кезекке тұру мен жолдама беру электронды форматқа ауыстырылды.
Қазіргі таңда Қобда селосында, Алға, Хромтау, Қандыағаш, Ембі, Жем, Темір қалаларында автоматтандырылған жүйе 100% енгізілді. Ақтөбе қаласы, Шалқар, Әйтеке би, Байғанин, Қарғалы аудандарында электронды форматқа көшу жұмыстары жыл соңына дейін толық аяқталады.
Жүйенің мүмкіндіктері:
• Балабақша жолдамаларын үйден шықпай-ақ алуға болады;
• Баланың электрондық паспорты: барлық жетістіктері портфолиоға енгізіліп, білім алуын зерделеуге мүмкіндік туады;
• Мектепке дейінгі бағдарлама негізінде балаларды тәрбиелеу және оқытуды жүзеге асыру, білім беру процесін оңтайландыру, дамыту бойынша ұсыныстар енгізуге болады;
• Мектепке дейінгі мекемелерге мониторинг жүргізіп отыру мүмкіндігі бар.
Облыста техникалық және кәсіптік білім берудегі оқу үрдісін автоматтандыру мақсатында "Платонус" Электрондық колледж" ақпараттық жүйесін енгізу жұмыстары басталды. Бұл жүйе Білім және ғылым министрлігінің ұсынысы бойынша таңдалды. Республика бойынша жоғары оқу орындарында енгізілген.
Сонымен қатар «PLATONUS» автоматтандырылған ақпараттық жүйесі колледждерде оқу процесін тиімді және оңтайлы ұйымдастыруға мүмкіндік береді. Қазіргі таңда аталған жүйе Ақтөбе гуманитарлық колледжінде пилоттық режимде енгізіліп, колледждің барлық құрылымдық бөлімшелер ақпараттарын жинау, сақтау, өңдеу, контингент өзгерісіне байланысты үрдісті автоматтандыру (оқудан шығару, оқуға қабылдау, курстан курсқа өткізу), студенттер контингенті мен қызметкерлердің мониторингі (үлгерім, сапа пайызы, қатысым, т.б.) автоматтандырылды. Сонымен қатар жыл аяғына дейін облыстың 26 колледжіне автоматтандырылған жүйені енгізу жоспарланып отыр.
«Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан, білім беру ұйымдарына құжаттар қабылдау және оқуға қабылдау" мемлекеттік көрсетілетін қызмет стандартына сәйкес 1-класқа қабылдау қызметті берушінің кеңсесі немесе www.egov.kz "электрондық үкімет" веб-порталы арқылы жүзеге асырылды.
2018-2019 оқу жылынан бастап Қазақстан Республикасы Білім және ғылым министрлігінің талаптарына сәйкес білім беру ұйымдары мен ата-аналар арасында әр тараптың құқығы мен міндеттемелері көрсетілген келісімшарт жасалатын болады.
«Аз қамтылған отбасылардағы балалардың қала сыртындағы және мектеп жанындағы лагерьлерде демалуы үшін құжаттар қабылдау және жолдама беру» мемлекеттік көрсетілетін қызмет стандарты аясында басқарма тарапынан электронды кесте жасалды.
Кестеде барлық жазғы және жыл бойы ұйымдастырылған оқу-сауықтыру орталықтарына, лагерьлерде бөлінген квотаға сәйкес демалған балалардың тізімі электронды кестеге енгізіледі. Егер де білім бөлімі бір балаға екінші рет сұраныс берсе, ол тізімде көрсетіліп, екінші мәрте демалуға жіберілмей, өзге баламен ауыстырылады.
Техникалық және кәсіптік білім беру ұйымдарына мемлекеттік тапсырыс орналастыру бойынша жаңа оқу жылына жергілікті бюджет есебінен – 3981, республикалық бюджеттен - 1085 орынға студенттерді қабылдау жоспарланды. Бүгінгі күнге жергілікті бюджет есебінен – 3886, республикалық бюджет есебінен – 1085 студент қабылданып отыр.
2018-2019 оқу жылына техникалық және кәсіптік мемлекеттік білім беру тапсырысы бойынша талапкерлерді қабылдау процесінің ашықтығы мен әділеттілігін қамтамасыз ету, сыбайлас жемқорлық фактілерін болдырмау және алдын алу мақсатында Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті жанында құрылған арнайы мониторингтік топ өкілдері қабылдау комиссияларының құрамына енгізілді.
«Азаматтарға арналған үкімет» мемлекеттік корпорациясының Ақтөбе облысы бойынша филиалы Ақтөбе қаласында орналасқан колледждердің қызметкерлері мен студенттеріне «Электрондық үкімет» веб-порталы арқылы «Үшінші тұлғамен анықтамалар алу сервисі» қолдану бойынша түсіндіру жұмыстарын жүргізді. Аталған тұлғалар «Электрондық үкімет» веб-порталының бірыңғай базасына ұялы телефон номерлерін тіркеп, қазіргі таңда сервис қызметін пайдалануда.
Сонымен қатар мектеп директорларын тағайындау қағидалары өзгерді.
Жаңа қағидаларға сәйкес кандидат 4 этаптан тұратын конкурстан өтеді: мектептің қамқоршылық кеңесі, заңнама тесті, облыстық білім басқармасының келісуі, аудандық, қалалық білім бөлімдеріндегі сұхбат. Мектеп директоры тек 4 жылға тағайындалады. Әрі қарай жұмыс істеймін десе, конкурстан қайта өту мүмкіндігі бар. Міне, осы төрт ерекшелік директорлық корпустың сапасын көтеріп қана қоймай, сыбайлас жемқорлықтың да алдын алуға айтарлықтай ықпал етеді.
Педагогтарды аттестаттаудың жаңа жүйесі енгізілді.
Мемлекет басшысы мұғалімдер үшін біліктілік деңгейін ескеретін категориялардың жаңа кестесін енгізу, категорияларды ұлттық біліктілік тест арқылы беру сияқты бірқатар міндеттерді орындау керектігін атап өткен болатын. Осы орайда, Қазақстан Республикасы Білім және ғылым министрлігінің Ұлттық тестілеу орталығы педагог қызметкерлерді аттестаттау үшін тест тапсырмаларының базасын қалыптастырып, жаңа форматтағы Ұлттық біліктілік тестілеу өткізіледі. Жаңа үлгідегі аттестаттау бойынша 2411 (96,6%) педагог біліктілік санатын алды. Қыркүйек айынан бастап 2411 пән мұғалімдерінің еңбекақыларына қосымша үстемақы төленетін болады. Жаңа үлгідегі аттестаттау тәртібі де сыбайлас жемқорлық тәуекелдерін азайтуды мақсат тұтады.
Сөзімді қорытындылай келе, білім беру саласының әрбір қызметкері сыбайлас жемқорлық көріністерінің болдырмауын көкейінде ұстауы және олардың алдын алу мақсатында барынша атсалысуы қажет екендігін айтқым келеді.
Сеніп тапсырылған мекемедегі сыбайлас жемқорлыққа қарсы саясатты жүзеге асыру үшін мемлекеттік мекемелердің бірінші басшыларының жеке жауапкершілігін арттыру, сондай-ақ азаматтардың мемлекеттік қызметтерді алу деңгейін арттыру білім басқармасының тұрақты назарында.
сыбайлас жемқорлыққа төзбеушілік бейнематериалдарды
Добавлено: 
26.11.2015 - 05:00
Последние изменения: 
15.04.2020 - 05:00